$..طيف ... المحبه ..$

؛¤ّ, ¸¸, ّ¤؛°`°؛¤ نلتقي لنرتقي ¤؛°`°؛¤ّ, ¸¸, ّ¤؛


    القاضي والدجاجه

    شاطر
    avatar
    بوخالد

    ذكر العمر : 43
    الموقع : مدونة ابوخالد
    العمل/الترفيه : طائرفي السماء
    المزاج : رايق بوجودي معكم
    الاوسمه : 0
    السٌّمعَة : 0
    تاريخ التسجيل : 21/06/2008

    ايقونه القاضي والدجاجه

    مُساهمة من طرف بوخالد في الثلاثاء يونيو 24, 2008 2:46 pm

    ا لسلام عليكم
    هذا ياجماعة الخير
    رجل ومعه دجاجة مذبوحة ( يعنى ميتة ) وكان رايح لمحل الدجاج
    عند راعى الدجاج علشان يقطع الدجاجة فقاله راعى الدجاج خلاص روح لك
    ربع ساعة وتعال لي تلقاها جاهزة
    قاله صاحب الدجاجة : خلاص على خير

    فمر القاضى على راعى الدجاج وقاله :عطني دجاج
    قاله راعى الدجاج : والله ماعندى الا هذى الدجاجة وهى لرجال بيرجع الحين
    قاله القاضى : خلاص عطنى اياها واذا جاك صاحبها قووله الدجاجة طارت
    قال راعى الدجاج : وشولون مايصير هو جايبها ميتة كيف ؟؟؟
    قاله القاضى : اقوووووولك قوله كذا ولا عليك وخله يشتكى ولا يهمك انت بوجهي
    قال راعى الدجاج : طيب والله يستر
    جاء صاحب الدجاجة عند راعى الدجاج وقاله وين دجاجتى ماخلصت
    قاله راعى الدجاج : والله دجاجتك طارت
    قال صاحب الدجاجة : وش تقوووول كيف طارت صاحى انت ؟؟؟؟؟
    انا جايبها ميتة تقولي طارت
    وصار بينهم شد فى الكلام وبغوا يتهاوشون

    فقال صاحب الدجاجة : امش معاى للقاضى علشان يحكم بينا هناك ويطلع الحق
    فراحوا للقاضى وعند ذهابهم للقاضى فى الطريق شافوا اثنين يتهاوشون
    واحد مسلم والثانى يهودى
    فجاء راعى الدجاج يبي يفرق بينهم
    ولكن اصبع راعي الدجاج دخلت في عين اليهودى بالغلط وفقعها
    فتجمع الناس ومسكوا راعى الدجاج وقالوا هذا اللى فقع عين اليهودى
    فصارت القضية قضيتين فوق راسه
    فجروة للمحكمة عند القاضى فيوم قربوا من المحكمة حاول يفلت منهم وهرب
    وركضوا وراه يلحقونه يبون يحاكمونه لكنه دخل فى مسجد وهم وراه
    وركب فوق المنارة وهم وراه
    اخرتها طمر (نقز) من فوق المناره الا وهو على شايب فمات الشايب
    من اثر طيحة راعى الدجاجة عليه

    فجاء ولد الشايب وشاف ابوه مات فلحق راعى الدجاج ومسكه هو ومعاه باقى الناس
    فراحوا به الى القاضى
    فلما شافه القاضى ضحك يفكره علشان سالفة الدجاجه
    ما درى ان راعى الدجاج علية ثلاث قضايا :
    1) سرقة الدجاجة
    2 ) فقع عين اليهودى
    3) قتل الشايب
    فلما درى القاضى عن هالقضايا مسك راسه وقاله عز الله انك جبت العيد
    فجلس يفكر القاضى وقال خلونا ناخذ القضايا وحدة بوحدة
    فنادو صاحب الدجاجة
    فقاله القاضى وش تقول فى دعواك على راعى الدجاج
    قال صاحب الدجاجة : هذا ياقاضى سرق دجاجتى ونا معطيه اياها وهى ميتة
    ويقووووول انها طاااارت كيف ياقاضى

    قال القاضى : هل تؤمن بالله
    قال صاحب الدجاجة : نعم ؤئمن بالله
    قاله القاضى : ( يحيي العظام وهى رميم ) يلا قم مالك شي

    قال القاضي: جيبو المدعى الثانى
    فجابوا اليهودى وقالوا هذا ياقاضى فقع عينه راعى الدجاج
    فجلس القاضى يحوس ويفكر ويطلع وينزل,,,,,
    فقال القاضى لليهودى : دية المسلم للكافر النصف يعنى نفقع عينك الثانية
    علشان تفقع عين وحدة للمسلم (راعى الدجاج )
    فقال اليهودى : خلاص انا اتنازل ماعد ابى شى منه

    فقال القاضى : عطونا القضية الثالثة
    جاء ولد الشايب اللى توفى وقال : ياقاضى هذا الرجل طمر على ابوى وقتله
    ففكر القاضى وقال : خلاص روحوا عند المنارة وتركب انت يالولد فوق وتطمر
    على راعى الدجاج
    فقال الولد للقاضى : طيب واذا تحرك يمين ولا يسار يمكن اموت انا
    قال القاضى : والله هذى مو مشكلتى ابوك ليش ماتحرك يمين ولا يسار

    فطلع راعى الدجاج من القضايا الثلاث زي الشعرة من العجينة
    avatar
    فواطم
    المدير
    المدير

    انثى العمر : 27
    الموقع : في عيون حبيبي
    العمل/الترفيه : طالبه جامعيه
    المزاج : رايقه حدي
    الاوسمه : 3
    السٌّمعَة : 9
    تاريخ التسجيل : 21/03/2008

    ايقونه رد: القاضي والدجاجه

    مُساهمة من طرف فواطم في الثلاثاء يونيو 24, 2008 5:50 pm

    لا يشيخ قصه جنان بي تعبت دجاجه ودجاجه هههههههههه

    مشكور وبنتظااااااااااااار جديدك الرائع
    موفق وتقبل مروري


    _________________
    حااااااااااااااليا لايوجد توقيع
    avatar
    بوخالد

    ذكر العمر : 43
    الموقع : مدونة ابوخالد
    العمل/الترفيه : طائرفي السماء
    المزاج : رايق بوجودي معكم
    الاوسمه : 0
    السٌّمعَة : 0
    تاريخ التسجيل : 21/06/2008

    ايقونه رد: القاضي والدجاجه

    مُساهمة من طرف بوخالد في الثلاثاء يونيو 24, 2008 6:13 pm

    مشكوره

    فطووووووومه



    اسعدني مرورك وتعليقك



    اخوك
    avatar
    بنت المملكه
    مشرفه المنتديات العامه
    مشرفه المنتديات العامه

    انثى الموقع : سعوديتنا
    العمل/الترفيه : طالبه
    المزاج : راااااااااااااااايقه
    الاوسمه : 0
    السٌّمعَة : 30
    تاريخ التسجيل : 23/03/2008

    ايقونه رد: القاضي والدجاجه

    مُساهمة من طرف بنت المملكه في الجمعة يونيو 27, 2008 2:54 pm

    ههههههههههههههه
    السالفه كلها دجاج في دجاج شكلي بفتح نتافة للدجاج
    يعطيك العافيه بوخالد

    زائر
    زائر

    ايقونه رد: القاضي والدجاجه

    مُساهمة من طرف زائر في الجمعة يونيو 27, 2008 3:38 pm

    ابو خالد ممكن تسال صاحب الدجاج مايبي فقاصه

    لان المديره عندها فقاصة بيض تبي تبيعها ومالقت مشتري
    مشكور على القصه
    تقبل مروري

    سوسو
    مشرفة المنتدى الصحه والسلامه
    مشرفة المنتدى الصحه والسلامه

    انثى المزاج : رااااايقه
    الاوسمه : 0
    السٌّمعَة : 6
    تاريخ التسجيل : 04/04/2008

    ايقونه رد: القاضي والدجاجه

    مُساهمة من طرف سوسو في الأحد يوليو 06, 2008 8:13 pm

    انا احب القصص مثل الاطفال


    يعطيك العافيه بوخالد


    _________________

      الوقت/التاريخ الآن هو السبت نوفمبر 25, 2017 2:38 am